Popular Bible Verses from ÉFÉSUS 6

Share

Tili-mpoét dité, toé te dungkang manusia, maik te dungkang sanggéd mberes de jing da’at ata cau kuasa te ho’on.

Pandé taung situ le méu cang agu ngaji, te tegi campé oné-mai Mori Keraéng. Ngaji ga lété leso tegi titong de Nai Nggeluk. Jerék koém agu ndong te koda. Néka beténg ngaji latang te weki serani.

Papé taungs harat de Mori Keraéng, kudut méu ngancéng dungkang nggopét de jing da’at.

Landing hitu, papé taungs sanggéd harat de Mori Keraéng, kudut méu ngancéng dungkang oné leso da’at hitu, wiga ngancéng ta’ang sanggéd purak data bali.

Oné néténg sokor, papé ga nggiling imbis, ai ali nggiling hitu méu ngancéng te pandé pesas sanggéd pana api oné-mai jing da’at. Tiba ga songkok waja selamak agu keléwang de Nai Nggeluk, ngong reweng de Mori Keraéng.

Jari hesé cedek kis, papé kendik molor agu baju rampas agilm. Poro sundur koé te wéwa Keréba Di’a, ata ngancéng ba hambor-meler milung sepatus

Méu weli ga, poro mberes koém oné kuasa de Mori Keraéng.

Hiang ga endé agu emam. Ho’oy perénta ata mésén oné-mai Mori Keraéng, ného hitut poli si’ang oné-mai reké ho’o: Kudut méu cébo agu léwé mosés oné lino.

Oé méut ngasang anak! Lorong koé ata tu’as ného toing di Kristus, ai hituy pandé ata patun agu molorn.