Popular Bible Verses from 1 PETRUS 5

Share

Condo taung simpungs oné Hia, ai Hia tinu méuy.

Mori Keraéng pu’ud sanggéd widang poli pilé méu oné hi Kristus te dadé méu nggere-oné mengit Diha hitut tédéng lén. Du méu poli ta’ong cekoén susa, Hia kolé te pandé jepek, ndeng, mberes agu pandé metek méu.

Doing agu jerék koém! Ai jing da’at hitut bali de méu, cama ného acu rani ata lolo kin te cekel méu. Dungkang hia le mberes imbis, ai pecing le méu, sanggéd taung asé-ka’é ca imbi oné temu tana lino ta’ong susa ného méu.

Landing hitu, jinggop koém bolo-mai ranga de Mori Keraéng hitut penong kuasa, kudut émé rapak leson méu tiba mengit oné mai Hia.

Oé sanggés méu ata uwa, nenggitu kolé méu: Lorong koé ata tu’as! Agu sanggés taung méu, jinggop koé ba weki cama taus, ai nenggo’o tulis oné Surak Nggeluk: “Mori Keraéng pangga salang data siot mésé nai, maik momang ata siot jinggop.”