Popular Bible Verses from 1 YOHANÉS 2

Share

Néka momang le méu lino ho’o agu sanggéd icin. Céing ata momang lino ho’o, ngong toé momang hi Ema. Ai sanggéd cao-ca oné lino ho’o, ngong belek de weki, ngoéng de mata agu mésé-nai, toé tua oné-mai hi Emad, maik todo oné-mai linod.

Belek agu ngoéngn de lino ho’o lari morad, maik ata lorong ngoéng de Mori Keraéng te haéng mosé tédéng lén.

Céing kaut ata taé te hia nai ca anggit agu Mori Keraéng, paka mosé cama ného hi Kristus.

Oé, anak daku! Tulis laku sanggéd taung so’o latang te méu, kudut néka pandé ndékokm. Maik émé manga ata pandé ndékoky, manga létang-témba dité nggere-oné hi Ema, ngong hi Yésus Kristus hitut agil.

Céing ata nenggo’o taén, “Aku pecing Hiak,” maik hia toé lorong sanggéd peréntaN, hia hitu ata nggopéty agu Mori Keraéng toé manga oné nai diha.

Ho’oy tandan te ité pecing Mori Keraéng: émé lorong lité sanggéd peréntaN.

Céing ata taé te hia ka’éng oné géraky, maik kodo asé-ka’é ca imbin, hia hitu ka’éng kin oné nendep dengkir te ho’on.

Céing weli ata nggopét hitu? Ngong hia hitut poli wéwa te Mori Yésus toé Mésiasy. Hia dé ata bali di Kristus: hia pali hi Ema agu hi Anak.

Ai céing ata pali hi Anak, hia kolé toé imbi Ema. Maik céing ata tiba hi Anak, hia kolé imbi hi Ema.