Popular Bible Verses from Zefaniah 1

Share

Dea silva an gold no can get dem outa trouble dat day Wen Da One In Charge go wild wit dem. He goin be jealous, jalike one fire Dat goin burn up all da peopo inside da world. Cuz az fo real, dat he goin bring one skery end Fo all da peopo dat live on top da earth!”

“Da day stay nea wen me Da One In Charge come fo judge da peopo! Goin happen fas! Lissen! Da peopo goin yell real hard. Da guys dat fight goin scream ova dea.

“Shhh! No talk notting in front da Boss, Da One In Charge! Cuz pretty soon, da time goin come Wen Da One In Charge goin judge an punish erybody! Cuz Da One In Charge make ready fo kill da Judah an Jerusalem peopo, Jalike dey one sacrifice! Da One In Charge tell da nations Dat stay agains Judah fo come fo kill dem.