Popular Bible Verses from Rome 9

Share

Az why, no matta wat one guy do, o wat he like fo happen, ony one ting matta—God da One give um chance.

Dis cuz God wen tell Moses dis: “I goin give chance to da ones I give chance to, An I goin show pity fo da ones I get pity fo.”

Eh, how come you talk back lidat to God, braddah? Who you tink you? Jalike da Bible tell befo time: “If get one guy dat make someting, dat ting no can tell da guy, ‘Eh! How come you wen make me lidis?’ ”

So den, if God like give one guy chance, dass wat he goin do. An if he like make one guy hard head, az wat he goin do too.

Da guy dat make pots, he get da right fo use da clay fo make spesho kine pots. O if he like, he use da same clay fo make pots fo put junk kine stuff inside.