Popular Bible Verses from Songs 94

Share

Wen I tink bout tings Dat bodda me plenny, You make me feel shua Notting bad goin happen. Cuz a dat, I stay feel real good inside!

Weneva I tink, “I no can stan up!” You stay right dea, Da One In Charge, An you no let me fall down!

You know wat? Da One In Charge Wen come da One dat take kea me, Jalike one strong wall wea I can hide, Jalike one big rock Wea nobody can hurt me.

Eh! Da One In Charge, Da peopo you tell um wen dey wrong Fo help um learn stuff, Da ones you teach from yoa Rules, Dey can stay good inside!

If Da One In Charge neva help me, I litto mo mahke An go da place wea nobody talk.

Cuz Da One In Charge No goin dump his peopo. He no goin go way From da ones dat stay his.