Popular Bible Verses from Songs 9

Share

Eh! You Da One In Charge! Da peopo dat know wat kine god you, Dey trus you, Cuz you no bag From da peopo dat aks you fo help um.

Eh! You Da One In Charge! I goin tell good tings bout you From deep inside me. I like tell all bout all da awesome tings you do.

Az why Da One In Charge, he jalike one place Wea da peopo dat get plenny presha can go hide Any time dey get trouble.

I like dance an sing cuz I stay tight wit you. I like tell good tings bout you Cuz I know who you: Da God Dass Mo Importan Den All Da Odda Gods.

He da Judge dat erytime do wass right Wit da diffren peopos all ova da world. He make shua da right ting happen Fo da diffren peopos.