Popular Bible Verses from Songs 86

Share

Eh! You Da One In Charge! Teach me how fo live da way you like. Fo me live da way you like me fo live. Let me go all out fo dis one ting: Fo show you respeck fo real kine Cuz I know wat kine god you!

You my Boss, an you get one good heart. You stay ready erytime fo let me go Fo da bad tings I wen do, You stay tight wit yoa peopo all da time, Wit da ones dat stay yell Fo you help um.

But you my Boss. An you da kine God dat pity erybody An you erytime like give dem chance. You no come huhu real fas, You erytime stay tight wit yoa peopo, An dey know dey can trus you.

You my Boss! You da God fo me! I goin tell good tings bout you. I goin go all out, all da time, Fo show you choke respeck Cuz I know wat kine god you

Erytime get trouble, I goin yell to you fo help me, Cuz I know you goin help me.