Popular Bible Verses from Songs 77

Share

But you know wat, Da One In Charge?! I goin no foget all da tings You wen do awready. I goin tink bout Da awesome kine stuff You wen do befo time. All da tings you stay do, I goin tink bout um ova an ova, An try fo tink Wat kine work you stay do.

You, da God dat stay do Awesome kine tings. You make all da diffren peopos know, How strong you!

God, da way you do stuff, stay real good an spesho. No mo anodda god Dat stay big like you!

I stay yell to God cuz I stay sad inside! I yell to him fo him lissen me. Wen I get hard time, I pray to my Boss Fo him show me wat I gotta do. All nite, I put up my hands fo pray, An no come tired. But inside, I no can res.