Popular Bible Verses from Songs 55

Share

All da stuff dat bodda you guys, Turn um ova to Da One In Charge. He goin make shua you can handle. Da peopo dat stay do wass right, He no goin let dem Come all weak, eva, Fo dem no stan up.

Evening time, morning time, Noon time, wenevas, Wen I stay grumble an moan Cuz I stay hurting, Da One In Charge Goin lissen wat I tell.

But God, you goin throw down Da bad kine peopo Inside da deep hole fo mahke. Da kine guys dat like make peopo Bleed an mahke, An dat like bulai peopo, Dey goin live ony half dea life. But me, I stay trus you!

But me, I stay yell to God fo help me. Da One In Charge Goin get me outa trouble!

Cuz God goin get me outa trouble Fo let me win dis war An no get hurt. He goin make eryting come good fo me, No matta get plenny peopo Dat like fight me.

Eh God! Try lissen me wen I pray! No go hide wen I aks you fo help me!