Popular Bible Verses from Songs 42

Share

I tink lidis: “Eh! How come I stay all bum out inside? How come I stay moan?! Mo betta I wait fo God help me! Cuz you know wat? I goin get good tings fo tell Bout him still yet! Him, he da God fo me, An he stay get me outa trouble.”

Eh God! I like know you real good inside, Jalike one deer Dat gotta find one stream Fo drink watta. Inside, I tink lidis: “I like see da God dat stay alive, Jalike I stay thirsty fo see him! I like know wen I can go by him Fo stan in front him!”

I tink lidis: “Eh! How come I stay all bum out inside? How come I stay moan?! Mo betta I wait fo God help me! Cuz you know wat? I still goin get Good tings fo tell bout him! Him, he da God fo me, An he stay get me outa trouble.”

Ery time, peopo stay aks me, “Eh! Yoa God, How come he no stay by you?!” An da ony ting I do, I cry, Day time an nite time!

Eryting inside stay all bum out. Still yet, I goin tink plenny Bout you, my God, No matta I stay on top Mount Hermon O on top da Mizar Hill, An inside da land Wea da Jordan Riva start.