Popular Bible Verses from Songs 37

Share

Stay good inside Bout wat Da One In Charge stay do, Den he goin give you Eryting you like.

Let Da One In Charge handle Eryting you goin do. Trus him, an he goin do um.

No tell notting, jus wait In front Da One In Charge. Hang in dea, an wait Fo Da One In Charge take kea you. No come huhu if some odda guy Stay make plenny money An no let um bodda you Wen da peopo make One no good kine plan an do um.

Trus Da One In Charge an do good tings. Live on top yoa land An take kea da land.

Wen Da One In Charge change somebody Fo dem come solid, Da One In Charge stay good inside Cuz a how da guy ack. No matta da guy trip, He no goin fall down, Cuz Da One In Charge Goin help him stan up.

He goin shine da light On eryting you stay do dass right Fo make shua erybody know dis. An God goin show you do da right ting In front him, da judge. An dass jalike wen can see eryting Real good wen da sun stay strong.

No come huhu, no come mad. No let notting bodda you, Cuz dat ony goin hurt somebody.

Befo time, I was one small kid, An now I one ol man. All dat time, I neva see God foget Bout nobody dat do da right ting. I neva see dose guys kids Stay beg fo get someting fo eat.

Da guys dat do bad kine stuff, No let dem make you come huhu. An no go tink “I like be Jalike dem guys Dat stay do wass wrong.”