Popular Bible Verses from Songs 34

Share

If you stay sad inside, Da One In Charge Goin stay real nea you. Da peopo dat feel all bus up inside, Da One In Charge get um outa all dat.

I wen try fo come close To Da One In Charge, An he let me. He wen get me outa eryting Dat make me come real sked.

Get plenny bad tings happen To da peopo dat stay do da right ting. But Da One In Charge Goin get um outa all dat.

Go check out Da One In Charge! You, find out fo real kine How good he stay! Anybody dat let Da One In Charge Hide dem from trouble, Dey stay good inside!

Wen peopo wait fo him Fo tell um wat fo do, Dey feel real good, Jalike dea face shine! Dey no come shame.

Erytime dey yell to Da One In Charge, He lissen dem, An he get um outa All da trouble dey stay in.

You know wat? Da One In Charge, He sen his angel guy Fo stay all aroun da peopo Dat stay sked a him An get respeck fo him. Da angel guy get um outa trouble!

No go do bad kine stuff. Ony do good kine stuff. Work hard fo be frenz wit erybody.

Make shua you no tell notting bad. Make shua you no bulai nobody Fo get someting from dem.

Da One In Charge, he keep track A da peopo dat erytime do wass right Fo take kea dem. He lissen dem Wen dey yell to him.

Me an all you guys togedda, We tell peopo, “Da One In Charge, he awesome!” All togedda we tell, “We know who him, An he da greates!”