Popular Bible Verses from Songs 139

Share

I like tell you dat you da greates, Cuz wen you wen make me You wen do spesho kine tings fo me, An ho! dass skery! Eryting you make, stay awesome! Inside I know dass da trut Fo real kine!

Eh, God! Check me out Fo see how I stay deep inside. Go tes me, an know wat tings I tink bout dat bodda me. If you see anyting inside me Dat bodda you, go tell me. Show me da right way fo go Fo get da kine life Dat goin stay to da max foeva!

Eh God, you wen make me An eryting inside my body. Wen my muddah come hapai, You wen put togedda all my parts.

Befo I born, you see my body Come togedda. You wen write down inside yoa book Wat goin happen ery day I stay live.

Eh! You Da One In Charge! You check me out all da time Fo see how I stay inside. Az how you know eryting bout me.

Eh, no way I can go some place Wea yoa Spirit no stay! No mo one place fo me run away to, An you no stay dea too!

Erytime I sit down o stan up, You know bout all dat. No matta you stay far away, You know wat I tink.

Eh Boss, even befo Someting come outa my mout, Fo real, you know eryting I goin tell!

From da time I wake up Till da time I go sleep, You see wea I go. You know awready how I do stuff.