Popular Bible Verses from Songs 111

Share

If you come sked wen you tink Bout who Da One In Charge, Cuz you get plenny respeck fo him, Den you ready fo start Fo learn wat fo do. Erybody dat stay do Wat Da One In Charge tell um fo do, Dey can undastan stuff fo real kine. Good, dat erybody tell all da time Dat Da One In Charge, he da greates!

Eh you guys! Tell good tings Bout Da One In Charge! Weneva da peopo dat stay do wass right Come togedda, I goin go all out fo tell How awesome Da One In Charge stay.

Real importan, all da tings Da One In Charge stay do. Da peopo dat stay good inside Cuz a da tings Da One In Charge do, Good dey try fo undastan Wat he stay do.