Popular Bible Verses from Smart Guys 1

Share

Fo know stuff fo real kine, Main ting, you gotta get awesome respeck fo Da One In Charge Fo you stay sked wen you tink bout him! Ony da peopo dat do bad kine stuff, no bodda dem. Dey figga az wase time, fo learn wass importan fo do An fo stick wit wass right. Wen I talk to my boy, I tell um, “Eh my boy, Lissen up all da tings I teach you. Same ting, wen yoa muddah teach you someting, No foget wat she tell you.

Da peopo dat easy fo bulai, Dey goin go away from me, Az dea fault Wen dey get all bus up an mahke from dat. Da stupid peopo, dey ack jalike notting bad goin happen, An cuz a dat, someting goin wipe um out. But da peopo dat lissen me, Dey goin stay good an notting goin hurt dem, An dey no need come all sked inside an shake all ova Cuz dey tink maybe someting bad goin happen.” Dass wat da wahine tell dat erytime know wat fo do.

Da smart peopo dat know awready wat fo do, Dey goin lissen up mo an moa, An erytime dey goin undastan even mo betta. Da peopo dat lissen good, Dey goin find out wat dey gotta do.

I tell my boy, “Eh lissen up! If some pilau buggahs try make you come wit dem, Jus go tell um, you no like.

Inside dis book, get da importan kine stuff fo make us guys tink, da kine Solomon like tell us. (Him King David boy, da king fo da Israel peopo.) Dis book az fo give you da smarts fo do da right ting erytime, An fo live da way you suppose to live, An fo help you undastan fo real kine Da kine stuff you gotta know. Dis book goin help you undastan wass right, So den you goin do da right ting erytime, An know how fo figga out wass good an wass bad An make same kine to erybody. Dis book fo da peopo dat donno notting an easy fo bulai dem. Goin help um come mo akamai, An help da young guys fo know stuff An fo tink strait.

She tell: “Dem guys, let um try yell fo me help dem, I no goin lissen! No matta dey try hard fo find me, Dey no goin find me. Cuz dey piss off dat get stuff dey gotta learn, Dey not sked Da One In Charge, dey make up dea mind awready.