Popular Bible Verses from Census 12

Share

Wit him, I can talk strait. Wen I talk, I make shua he know wat I mean. I no hide wat I tell, not wit da hard fo undastan kine talk. He know how I look like, me, Da One In Charge. So den! How come you guys no sked Fo grumble bout my worka guy Moses?!’ ”

(You gotta know dat dis Moses guy erytime make um so he come las, mo den all da odda peopo on top da earth.)

He tell, “Lissen wat I tell! ‘If get one a you guys Dat talk to yoa peopo fo me, Da One In Charge, Da way I make dat guy know az me, I make him see someting. I talk to him in his dreams.

But az not how I talk wit my worka guy Moses. From all my peopo, he da ony one I know I can trus.