Popular Bible Verses from Nahum 3

Share

Bummahs! Fo da big town wea dey kill plenny peopo. Da town wea all dea peopo bulai plenny! Dey rip off odda peopo an stash dea stuffs! Dey erytime bus up plenny peopo!

No mo notting can make yoa sword cut come good. You stay hurt, an you goin mahke. Erybody stay suffa Cuz you wen ack real mean erytime! Az why erybody dat hear bout you Clap dea hands fo show dey feel good Cuz you wen come wipe out!

Erybody dat see you Nineveh peopo Goin run away from you an tell, ‘Nineveh stay all bus up! No mo nobody goin stay sad bout Nineveh!’ No can find nobody goin make you guys feel mo betta inside!”