Popular Bible Verses from Matthew 27

Share

Three clock Jesus yell real loud an tell, “Eli, eli, lema sabaktani!” Aramaic language, dat mean, “My God! My God! How come you bag from me?!”

Right den an dea da big curtain inside da temple broke in two from da top to da bottom. An da groun shake, an da rocks split, an da graves open. An you know wat? Plenny mahke guys dat was spesho fo God long time befo time, dea bodies come alive one mo time. Dat happen afta Jesus come back alive from mahke. Dey come outa dea graves, an dey go inside Jerusalem, da town dat stay spesho fo God. Plenny peopo spock um!

Jesus yell one mo time real loud, an den he let go his spirit an mahke.

So da captain fo da army guys an his guys dat guard Jesus, dey see da groun stay shaking. Dey see all da stuff dat happen. Az why dey come real sked, an tell, “Fo shua, dis was God Boy!”

Noon time get real dark all ova da place fo three hour.

So Pilate tell um, “Den wat I goin do wit Jesus, da Christ Guy, da one dey tell God wen sen um?” Dey all yell, “Kill dat buggah on top one cross! Kill um on top one cross!” But Pilate tell, “How come? Wat kine bad ting he wen do?” But dey yell mo loud, “Kill um on top one cross!”