Popular Bible Verses from Job 28

Share

An he tell da peopo, ‘You know wat?! If you get choke respeck an stay sked a da Boss Up Dea, Den you goin know wat fo do erytime! An if you stay away from da bad kine stuff, Dat goin show you undastan plenny!’ ”

“But wea can find out how fo know wat fo do erytime? Wea da place fo find out how fo undastan stuff? Peopo donno wat az worth, fo know wat fo do erytime. Dey no goin find all dat in dis world wea peopo live.

“So, wea you goin find out how fo know wat fo do erytime? Wea da place fo undastan plenny stuff? Eryting dat stay alive, no can see da place. Even da birds in da sky no can.