Popular Bible Verses from Job 1

Share

Wen Job hear dat, right den an dea he stan up an rip his clotheses an shave his head fo show he stay sad inside. Den he go down an put his face on top da groun. He tell, “Wen I come outa my muddah belly, I stay naked, no mo notting! Wen I leave dis world, I no goin get notting! Da One In Charge give, An Da One In Charge take away. I goin talk good bout Da One In Charge Cuz I know wat kine god him!” No matta all dis stuff happen, Job no do notting bad. He no talk jalike God do someting wrong.

Had one guy Job. He live da Uz land. Dat guy, no mo nobody poin finga him. He erytime do da right ting. He get awesome respeck fo God, an stay away from da bad kine stuff.

Den Da One In Charge tell Da One Dat Stay Agains God, “Wat you tink bout my worka guy Job? No mo nobody on top da earth stay jalike him. He one guy no mo nobody poin finga him. He erytime do da right ting. He get awesome respeck fo me, God, an he stay away from da bad kine stuff.”

Da One In Charge tell Da One Dat Stay Agains God, “Kay den. I give you da powa ova eryting Job get. Ony one ting—no hurt Job!” Den Da One Dat Stay Agains God go out from in front Da One In Charge.