Popular Bible Verses from Hebrews 8

Share

I goin pity dem an give um chance, No matta dey wen do tings dat no stay right. An I goin foget bout Da bad kine stuff dey wen do.’ ”

‘Dis da deal I goin make bumbye Wit da Israel ohana peopo. I goin put my Rules inside dea head. I goin write um inside dem. I goin be dea God fo real kine, An dey goin be my peopo fo real kine.

Den dey no need teach all da guys dat live close, An dey no need teach dea braddahs an sistahs. No need tell um, “Eh! Gotta know Da One In Charge!” Cuz dat time, dey goin all know who me, From da guys dass not importan to da importan guys.

But God wen get real hard time wit da peopo cuz dey no can handle. Az why he tell dis inside da Bible: “Me, Da One In Charge, tell dis: ‘Lissen! Da time goin come, Wen I goin make one New Deal Fo da Israel ohana, An fo da Judah ohana.

So, all dis stuff I stay tell you guys, dis da main ting: Us guys get da Main Pries dass perfeck. Dass Jesus. He da One dat sit down in da mos importan place, by da right side a da throne wea God Da Awesome King stay up dea inside da sky.