Popular Bible Verses from Teacha 11

Share

You young guys, stay good inside wen you young. Inside, yoa heart make you dance an sing. Do wat you like do, An see wat you like see. But no foget, dat fo all dis stuff, Bumbye God goin judge you.

So den, throw out da worries inside you. No let pain in yoa body jam you up. Cuz wen you stay young an get black hair, all dat still no make sense!

Whoeva watch da wind no goin plant notting. An whoeva look da clouds no goin harves notting.

You donno wea da wind goin blow. An you donno how one bebe grow inside da muddah. Same ting, you donno wat God stay do. He da One wen make eryting.

Plant yoa seeds morning time. Evening time, no stop work. Cuz you donno if da morning stuff goin come good, O da evening stuff, O if da two goin come good.

An peopo tell, “Share some stuff wit seven o eight peopo, Cuz you donno wat kine bad ting goin happen in dis world.”