Popular Bible Verses from Teacha 1

Share

Cuz wen somebody know wat fo do erytime, Dat mean dey goin hurt mo plenny inside. Mo stuff somebody know, Mo dey come sore inside.

Wateva happen, goin happen one mo time. Wateva somebody do, somebody goin do um one mo time. No mo notting new unda da sun!

All dis kine stuff dat happen ova an ova, An stay boring, Cuz get way mo stuff fo talk bout, Way mo fo see an hear.

Da Teacha tell, “No make sense! No make sense! Fo shua eryting no make sense! No mo notting make sense! “From all da stuff anybody do, No matta dey stay bus ass in da sun. Wen pau, wat goin get from all dat?

I wen see eryting da peopo do unda da sun. An you know wat?! Eryting hard fo undastan! Jalike erybody stay try catch da wind!

One generation come, an anodda generation go, But da earth stay foeva.

Nobody rememba da peopo dat live long time befo time. An same ting fo da peopo dat goin come bumbye: Da peopo dat goin come afta dem, goin foget dem too.”

Den, I make up my mind fo undastan wat “fo know wat fo do erytime” mean, wat “fo ack pupule” mean, an wat “fo ack stupid kine” mean. But wen I find out wat all dat stuff mean, jalike I stay try fo catch da wind too.