Popular Bible Verses from Jesus Guys 2

Share

Peter tell dem, “All you guys gotta change how you tink an no do all da bad kine stuff you stay do befo time, an get baptize fo show you Jesus guys. He da Spesho Guy God Wen Sen. Den God goin let you guys go, an hemo yoa shame fo all dat bad kine stuff, an he goin give you his Good An Spesho Spirit.

Dey stick wit all da stuff dat Jesus guys teach dem. An dey all stick togedda, an eat togedda, an pray togedda.

Da Good An Spesho Spirit take charge a dem, an dey start fo talk plenny odda kine languages, cuz God Spirit make um fo dem talk lidat.

Right den an dea one noise come down from da sky jalike one strong wind, an make big noise all ova da house wea dey stay sit. Den dey see small kine fire dat look jalike one tongue dat stay right ova ery guy an wahine. Da Good An Spesho Spirit take charge a dem, an dey start fo talk plenny odda kine languages, cuz God Spirit make um fo dem talk lidat.

Ery day dey come togedda inside da open lanai fo da temple. Dey all come togedda inside dea houses an bring dea food fo share wit each odda. An dey all stay good inside, an dey happy fo come togedda. Dey tell God “Mahalo plenny!” an tell how good he stay. An all da odda peopo talk good bout dem. Ery day Da One In Charge bring odda peopo aroun dat he take outa da bad kine stuff dey do.

“God tell, “ ‘Dis wat I goin do befo da world goin come pau, I goin make my Spirit take charge a all da peopo. Yoa boys an yoa girls goin talk fo me. Yoa young guys goin see spesho tings. An yoa ol guys goin dream plenny dreams.

All da peopo dat see wat wen happen stick togedda, an share all dea stuffs wit each odda. Some a dem sell dea stuffs o dea property, an share some a da money wit da ones dat need kokua.

An den, erybody dat know who Da One In Charge fo real kine An call out to him fo get um outa da bad kine stuff dey do, Da One In Charge, goin lissen an get um outa all dat.’

Da sun goin come dark, An da moon goin come red jalike blood. Dat goin happen Befo da big an awesome Day Wen God, Da One In Charge, come fo judge all da peopo.