Popular Bible Verses from 2 Tessalonika 1

Share

Dass why us guys pray erytime fo you guys dat dis stuff goin happen. Oua God wen tell you guys awready, “Go come! Be my guys!” Dass why we stay aks God fo make you guys da right kine peopo fo you do wat he like you fo do. We pray fo God give you da powa he get fo help you guys do all da good kine stuff you like do cuz you guys stay trus him.

God goin do da right ting, you know. Da peopo dat make you guys suffa now, God goin make dem suffa bumbye. An God goin take away da presha, an same ting fo us guys too. All dat goin happen bumbye, wen God let peopo see Da One In Charge, Jesus, stay coming from up dea inside da sky wit his angel guys dat get plenny powa.