Popular Bible Verses from SALMOS 91

Share

wak yi'e Dios: “Le'kze žx̱en ḻaža'a, na' Le' ẕkache' chawo'o neda'. Nako' Dios chia', na' žx̱en ḻaža'a Le'.”

Bennen' žx̱en ḻaže'e X̱anžo Dios nich gape chi'e ḻe', na' ẕzi'e Dios, Bennen' nape' dot yeḻa' wak, nich gákḻene' ḻe'

Kate' wḻížgake' neda', na' yecheba' chégake'. Kate' že' zédgekle', sóaḻenkza' ḻégake'. Yeslá' ḻégake', na' gapa' ḻégake' ba la'ne.

Dios seḻe'e wbás che ya'abá chie' ka' nich gákḻengake' le', na' gape chí'igake' le' gáte'teze gan chejo'.

Wkache' chawe'e le' ka žon to ẕkoko', bian' žape chi'iba' bríse'do' ka' ẕan x̱ilba', na' cho'o chawo'o ḻo ne'e Ḻe'. Yeḻa' ḻi ḻaže' chie' gon chi'in le', na' wkache' chawen' le'.

Wẕi'o X̱anžo Dios, na' žx̱en ḻažo'o Ḻe', na' Dios, Bennen' nape' dot yeḻa' wak, wkache' chawe'e le'. Che ḻen bi be da' ẕia gak bi da' gonen chio', na' bi cho'o nitó yižwé' ližo'.

Ḻe' wkache' chawe'e le' ḻo da' ẕia da' bi nḻa' ḻawn, na' ḻo yižwé' da' žoten benne' ka'.

Wak gatgak to mil benne' ka' kwito' le', na' chi mil benne' ka' gawze gan zo', san bi be sako'o le'.

Bi be gak wchebe le' žel, na' bi be gon le' da' ẕia te ža, na' to yižwé' che da' choḻ bi be gonen chio' le', na' to da' ẕinnj da' žoten benne' ka' te ža, bi be gonen chio'.