Popular Bible Verses from SALMOS 146

Share

Ba nez ẕen naken che bennen', žakḻen Dios che Jakob ḻe', bennen' žx̱en ḻaže'e X̱anžo Dios.

Bi wx̱én ḻáže'le benne' wnná bia' ka', na' bi wx̱én ḻáže'le benne' waḻe ka', dan' bi gak yeslágake' ḻe'e.

Ẕchi'a ḻaže'e benne' nyache' ḻaže' ka', na' ẕwawe' benne' ka' ẕdóngake'. X̱anžo Dios žeslé' benne' ndo'w ka'. X̱anžo Dios žeyone' yej ḻawgak benne' ḻo choḻ ka'. X̱anžo Dios žechise' benne' ka' žejchégwgake'. X̱anžo Dios nži'ile' benne' chawe' ka'.

Dios na'kze bene' ya'abá, na' yežlyó, na' nisdo', na' yógo'te da' ka' zej nnitan' latje ka'. Nake' Bennen' žónteze' da' ḻi ḻaže'.

X̱anžo Dios žape chi'e benne' zi'to' ka'. Žákḻene' bi' wzebe ka', na' no'le wzebe ka', san ẕchinnje' da' žongak benne' wen da' ẕinnj ka'.