Popular Bible Verses from SALMOS 119

Share

Ka to yi' nak x̱tižo'o gan ẕda', dan' žsa'nín' nez da' ẕzá'ḻena'.

Ḻo yichj ḻáẕda'wa' žónteza' ka nak da' ẕnno' Le' nich bi gona' doḻa', na' bi wži'a chio' Le'.

¿Nakx̱ gak gon to benne' kwide' da' naken chawe'? Žaḻa' góntezbe' ka ẕnna x̱tižo'o.

Ba nez ẕen naken chegak benne' ka' žóntezgake' ka žsedle diža' chie' žo'o, na' dot yichj ḻáẕdo'gake' žóngake' kan ẕnnan.

Nako' Le' ka to yo'o gan ẕga'na' chawe', na' ka to da' žape chi'in neda', dan' žx̱en ḻaža'a gaken ka ẕnna x̱tižo'o.

Bzejní'il neda', na' gónteza' da' bchi'lo' neto', na' dot ḻaža'a gona' ka ẕnnan.

Ben ga chaz ḻaža'a gona' ka žsedle diža' chio' neto', nich bi dan ḻaža'a yeḻa' gape.

Chawe' nak bzex̱jo' neda', nich wsedla' gona' ka ẕnna x̱tižo'o.

Katen' wẕáka'ḻi'a, wzóa to da' beyón ẕenen neda', dan' ben choch x̱tižo'o yichj ḻáẕda'wa'.

Bḻoe'el neda' nich gona' da' wnnakzo' Le', dan' žak ḻáže'kza' gona' ka naken.

X̱ana' Dios, bsedle neda' nich gona' ka ẕnna x̱tižo'o, na' gónteza' ka naken na' zejte ža gata'.

Žedó ḻaža'a dan' žak nyache' ḻaža'a. Ben choch neda' ḻen x̱tižo'o.

Dios, nží'iḻe'ela' da' žsedlo' neto'. Dot ža ẕlab ḻaža'a ka ẕnnan.