Popular Bible Verses from MATÍO 22

Share

Jesusen' gože' ḻe': —Bži'il X̱ano' Dios dot ḻažo'o, na' ḻo dot yichj ḻaẕdo'o, na' ḻo dot yeḻa' žejní'il chio'. Da' ni naken da' bchi'le Dios da' naken blo, na' nakžen ẕen. Da' bchi'le Dios da' naken da' bežope, naken tḻebe, na' ki ẕnnan: “Bži'il lježo' kan nži'il kwino'.”

Da' chopen ki, da' ka' bchi'le Dios, zej naken gan zegak yógo'te da' bchi'le Dios, na' yógo'te da' bsédgekle benne' ka' bcháḻjgake' ḻo wláz Dios.

Naž Jesusen' gože' benne' yodo' ka': —Benne' zan bḻiža', san babze benne' ka' nbégake'.

Kate' žin ža yebangak benne' gat ka', biž gak yeḻa' ẕzoaḻen no'le, na' bi wchág ná'gake', san gákgake' kan zej nak wbás la'y ka' che Dios, wbás ka' nníta'gake' ya'abá chie'.

Le wḻoé'el neda' to mežw da' žíẕjwle lazle. Naž bḻoé'egekle' Ḻe' to mežw che yež Roma. Jesusen' wnnable' ḻégake', na' wnné': —¿Noẕ benne' da' ni ḻawe', na' noẕ benne' nyejw le' ḻe'e mežw ni? Góžgake' Ḻe': —Che benne' Sésar da' ka'. Naž Jesusen' gože' ḻégake': —Le chiẕjw benne' Sésar da' zej naken che benne' Sésar, na' Dios da' zej naken che Dios.