Popular Bible Verses from MATEO 27

Share

Huan nechca las tres Jesús camanaltic chicahuac huan quiijto: “Elí, Elí, ¿lama sabactani?” Ni camanali quinequi quiijtos: “NoTeco, noTeco, ¿para ten techtahuelcajtoc?”

Huan ipan nopa talojtzi, tzayanqui nopa hueyi cortina cati ica quitzactoyaj nopa cuarto campa Más Tatzejtzeloltic tiopan calijtic. Tzayanqui oncac, huejcapa hasta tatzinta. Huan mohuiso tali huan nochi huejhueyi teme motajcoitaque. Huan ipan campo santo motapojque campa quintalpachojtoyaj mijcatzitzi huan moyolcuique miyac mijcatzitzi cati iaxcahua Toteco.

Huan Jesús sempa camanaltic chicahuac huan quitemactili Itonal imaco Toteco.

Huan se capitán ihuaya isoldados cati quimocuitahuiyayaj Jesús quiitaque quema mohuiso tali, huan quiitaque nochi sequinoc tamanti cati panoyaya, huan tahuel momajmatijque huan quiijtojque: ―Nelía ni tacat elqui Icone Toteco.

Huan ica tajco tona tzintayohuixqui campa hueli ipan taltipacti hasta las tres ica tiotac.

Huan Pilato quintatzintoquili: ―Huajca ¿taya nijchihuas ica Jesús cati quitocaxtíaj nopa Cristo? Huan quinanquilijque: ―Xijcuamapelolti. Huan Pilato quintajtani sempa: ―Pero ¿para ten? ¿Taya tajtacoli quichijtoc? Pero nopa masehualme más tzajtziyayaj: ―Xijcuamapelolti.