Popular Bible Verses from MARCOS 10

Share

Pampa niyon na catli niMocuepqui Masehuali, amo nihualajtoc para sequinoc ma nechtequipanoca. Nihualajtoc para niquintequipanos sequinoc, huan para nitemactilis nonemilis quen se tlaxtlahuili para niquinmajcahualtis miyac masehualme tlen inintlajtlacolhua.

Huan Jesús quintlachili huan quinilhui: ―Masehualme amo hueli momaquixtise, pero Toteco, quena, huelis quinmaquixtis pampa yaya nochi hueli quichihua.

Huan Jesús quiilhui: ―Xiya mochaj, ya timochicajqui pampa techneltocac. Huan ipan nopa tlatoctzi nopa tlacatl tlachixtejqui cuali, huan quitoquili Jesús ipan ojtli.

Huajca catli Toteco Dios quinsansejcotilijtoc amo ma quiiyocatlali se masehuali.

Huan Jesús quitlachili nopa tlacatl huan quiicneli; huan quiilhui: ―Se tlamantli mitzpolohua. Xiya, xijnemacati nochi catli tijpiya huan xiquinmajmaca catli teicneltzitzi. Huan Toteco mitztlaxtlahuis nepa ilhuicac. Teipa xihuala, techtoquili quen se tlacatl catli quihuicatiya icuamapel mocualtlalijtoc para ipan ma quimictica.

Huan Jesús quiilhui: ―¿Tlaque tijnequi ma nimitzchihuilis? Huan nopa popoyotzi quinanquili: ―Tlamachtijquetl, nijnequi nitlachiyas sempa.

Pero amo quej nopa elis ica amojuanti. Pampa ica amojuanti, aqui quinequi mochihuas hueyi, monequi anmechtequipanos.

Nelía nimechilhuía, sintla se masehuali amo nechselía huan nechcahuilía ma nijnahuati ipan iyolo quen se conetl quichihua, amo quema huelis calaquis campa tlanahuatía Toteco.

Pero miyac catli ama quipiyaj tequiticayotl, amo tleno quipiyase teipa; huan miyac catli ama itztoque hasta teipa, quipiyase miyac tequiticayotl nepa.

pero achtihuiya quema Toteco quichijqui tlaltipactli, yaya quichijqui ‘tlacatl huan sihuatl para ma mocahuaca san sejco.’ Yeca se tlacatl quicahuas itata huan inana huan mosansejcotilis ihuaya isihua, huan nopa ome mochihuase san se ininnacayo. Yeca ayacmo itztoque ome, pero san setzi.