Popular Bible Verses from 1 CRÓNICAS 16

Share

Xijtemoca TOTECO huan ichicahualis. Quena, nochipa xijtemoca para nelía cuali anquiiximatise.

Xijtlascamatilica TOTECO pampa yaya nelía cuali. Yaya techtlasojtlas para nochipa.

Xijtlascamatilica TOTECO. Xitepohuilica tlen ihueyitilis. Xiquinilhuica nochime ipan ni tlaltipactli nochi tlamantli catli yaya quichijtoc.

Xijpiyaca hueyi paquilistli pampa yaya tlahuel tlatzejtzeloltic. Xipaquica amojuanti catli anquitemohuaj TOTECO.

Xiquelnamiquica nopa huejhueyi tiochicahual nextili catli tlahuel temajmati catli yaya quichijtoc. Huan xiquelnamiquica quen tlatlajtolsencajtoc xitlahuac.

Xijhuicatica. Xihuicaca para anquihueyitlalise Xitepohuilica tlen nopa huejhueyi tiochicahual nextili catli quichihua.

Pampa TOTECO nelía hueyi huan quinamiqui tijhueyichihuase miyac. Monequi san ya tijhueyitlepanitase tlen nochi sequinoc tiotzitzi.

Xijmacaca TOTECO nopa tlatlepanitacayotl catli quinamiqui quiselis. Xijhualicaca ofrendas huan xihualaca xijhueyichihuaquij. Ximotlancuaquetzaca iixpa TOTECO pampa yaya tlatzejtzeloltic huan nopa tlatlanextli campa itztoc tlahuel onpano yejyectzi.

Campa yaya itztoc onca tlatlepanitacayotl huan tequiticayotl. Nopona monextía chicahualistli huan hueyi paquilistli.

Nochi anmasehualme catli anitztoque ipan ni tlaltipactli, xihuicaca para TOTECO. Mojmostla xiteilhuica para yaya TOTECO temaquixtía.

Xiteilhuica ihueyitilis ipan nochi tlalme. Huan xiquinpohuilica nochi masehualme nopa huejhueyi tlamantli catli yaya quichihua.

Quinilhui: “Amo xiquincuatotonica nomasehualhua catli niquintlapejpenijtoc, niyon amo tlen hueli xiquinchihuilica notlajtol pannextijcahua.”

Nochi sequinoc masehualme quinhueyichihuaj tiotzitzi huan teteyome catli amo nelía Dios. Pero TOTECO quichijchijqui ilhuicactli.

Xiquelnamiquica nopa camanali catli quichijqui. Masque masehualme tlacajtiyase para 30 mil xihuitl, yaya amo quielcahuas catli techtencahuilijtoc ipan nopa camanali catli quisencajqui tohuaya.

Nochime ipan ilhuicactli huan tlaltipactli, xipaquica miyac. Xiquinilhuica nochi masehualme ipan nochi tlalme para TOTECO tlanahuatía.

Ma tijhueyichihuaca TOTECO Dios, yaya catli toTeco tiisraelitame. Yaya nochipa itztoya huan para nochipa itztos. Huan nochi nopa masehualme quiijtojque: “¡Quej nopa ma eli!” Huan quipaquilismacaque TOTECO.

Nochi anmasehualme catli anitztoque ipan nochi tlalme, xiquiximatica ajqueya TOTECO. Ximomacaca cuenta para yaya quipiya tlahuel miyac ihueyitilis huan miyac ichicahualis.