Caora naꞌ una Bichi Be quie Diuzi rëbinëꞌ Felipe:
―Uyo tzenaoꞌ benꞌ reꞌ luꞌu carro daoꞌ.
Canaꞌ zio Felipe ga reꞌnëꞌ, pero benëꞌ rnënëꞌ diꞌidzaꞌ quie benꞌ profeta Isaías. Caora naꞌ una Felipe rëbinëꞌ lëbëꞌ:
―¿Rioñeꞌeloꞌ bi na diꞌidzaꞌ rnëloꞌ?
Naꞌra unëꞌ rëbinëꞌ Felipe:
―¿Biz̃i huaꞌ tzioñeꞌedaꞌ con ca rna lëꞌë guichi, chi ganu dyilaꞌ uzioñeꞌe nëꞌëdiꞌ?
Ude beyudyi unëꞌ canaꞌ, gudyinëꞌ Felipe cuënëꞌ luꞌu carro ta cueꞌnëꞌ cuëtëꞌ.