Popular Bible Verses from 2 Corintios 4

Share

Pues cala rzëlaꞌadyiꞌro gaca quiero ta de lao yedyi layu, dechanꞌ tahuen hue Diuzi quiero guibá ga zunëꞌ, lenaꞌ rzëlaꞌadyiꞌro gaca quiero. Canaꞌ huero como danꞌ ca naca ta de lao yedyi layu, hueyudyi huedu quien, pero ca naca tahuen hue Diuzi quiero guibá ga zunëꞌ, biyeyudyi biyedu quien.

Quie lenaꞌ biyeyatendoꞌ. Baꞌalaꞌcazi reyudyi redu fuerza valor quie bëꞌëlaꞌ z̃ubaꞌ quiendoꞌ, pero yugu dza rudzeꞌ Diuzi fuerza valor quienëꞌ luꞌu guicho laxtaꞌondoꞌ. Ca naca dza rdaro lao yedyi layu, laꞌacazi yedzagalaotzeguero, lëꞌëtiꞌzi raca quiero nun quie danꞌ cati yeziꞌ Diuzi raꞌo, caora naꞌ yeyaca dyaꞌa te tela laohue quiero.

Baꞌalaꞌcazi de zëdi quiendoꞌ con gatiꞌ tezi rdandoꞌ, biyelaꞌte quiendoꞌ. Baꞌalaꞌcazi rdëbindoꞌ raquendoꞌ, biyeyatendoꞌ. Baꞌalaꞌcazi rue ja benëꞌ nëtoꞌ bizinaquezi, biusanlaꞌadyiꞌ Diuzi nëtoꞌ. Baꞌalaꞌcazi quijëꞌ nëtoꞌ layu, bisuecazijëꞌ gutijëꞌ nëtoꞌ.

Pero tu ta naca huen gula, tu ta bzioñeꞌe Diuzi nëtoꞌ, lenaꞌ yuꞌun luꞌu guicho laxtaꞌondoꞌ. Nacandoꞌ ca nu yesoꞌ yu ta bide fuerza valor quie. Lenaꞌ ruluꞌen tali naca fuerza valor quiendoꞌ fuerza valor quie Diuzi, cala quiendoꞌ.

Nun quie birue quieyaquëꞌn, bë xanꞌ taxiꞌibiꞌ chula guichojëꞌ cuenda bitzioñeꞌejëꞌ con cabëꞌ ina diꞌidzaꞌ laꞌiya quie Diuzi, como danꞌ lëdiꞌidzaꞌ naꞌ rguixogueꞌn quie Cristo. Tuzi Cristo nacarëꞌ benꞌ balaꞌana, benꞌ naca Diuzi guquëꞌ benëꞌ, blëꞌë yaca benëꞌ lëbëꞌ.

Naca Diuzi benꞌ bë mandado dza naꞌte ta galo guiꞌ useniꞌna ga naca chula. Lëscanꞌ naca Diuzi benꞌ bzioñeꞌe raꞌo ca naca quienëꞌ cuenda bira gaca guicho laxtaꞌoro ca guicho laxtaꞌo benꞌ rda lao lato lao chula. Canaꞌ bënëꞌ quiero cuenda yeyuebëꞌro ca naca yelaꞌ huaca quienëꞌ. Pues lëyelaꞌ huaca naꞌruen rseniꞌna lao Jesús raca titiꞌn.