Popular Bible Verses from Romanos 10

Share

Che'to' beṉe': “Še güe'lenḻe beṉe' diža' cont yeseṉezde' chejnilaže'le Jesucriston' na' chzenagle c̱he' da' naque' X̱anḻe, na' še šejḻe'le ḻo' yic̱hjlažda'ole Diosen' bec̱his bosbane' Jesucriston' ladjo beṉe' guaten', nachen' gata' yeḻa' mban c̱hele toḻi tocaṉe.”

Ḻe cheyaḻa' šejḻe'cho ḻo' yic̱hjlažda'ochon' cont yeyaccho beṉe' güen len Diosen' na' ḻecze cheyaḻa' güe'lencho beṉe' diža' c̱he dan' chejnilaže'cho Criston' cont gata' yeḻa' mban c̱hecho toḻi tocaṉe.

Bia'cze cheyaḻa'cze yesene beṉe' diža' güen da' chzejni'in c̱he Criston' cont yesejnilaže'ne'.

Xtiža' Diosen' nyojen žan: “Note'tez beṉe' yesejnilaže' Diosen', gwbat yesyetiṉjde' c̱he da' gosejnilaže'ne'.” Baḻcho naccho beṉe' Israel na' baḻcho bi naccho beṉe' Israel, toz can' chon Diosen' len yogo'cho, ḻe X̱ancho Jesucriston' naque' X̱an yogo'ḻoḻ beṉe', na' cheyaše'laže'de' note'tezcho chṉabcho gaclene' chio'. Can' gwne': “Note'tez beṉe' yeseṉabe' gaclena' ḻegaque', neda' naca' X̱anḻe yebeja' ḻegaque' ḻo da' malen'.”

na' ¿nacxe yeson beṉe' yeseyix̱jue'ede' xtiža' Diosen' še Diosen' bi seḻe' ḻegaque' yeseyix̱jue'eden'? Chac can' nyoj Xtiža' Diosen' žan: “Chbechgüecho caten' za'ac beṉe' cheseyix̱jue'ede' diža' güen chosozejni'ide' guac soacho binḻo len Diosen'.”

Na' ¿nacxe yeson beṉe' yeseṉabe' goclen lagüen' še bi chesejnilaže'ne'? Na' ¿nacxe yesone' yesejnilaže'ne' še biṉa' yesende' xtižen'? Na' ¿nacxe yesende' xtižen' še nono zoa no güe'lene' ḻegaque' xtižen'?

Ḻe yogo' beṉe' chesejnilaže' Criston' ba besyeyaque' beṉe' güen len Diosen'. Na' chio' chejnilaže'chone' ba ṉezecho nono gac gonyaṉe' can' ža ley dan' bzoj Moisésen', ṉeca gac yeyaque' beṉe' güen da' na'ogüe' ḻezen.