Popular Bible Verses from 1 Pedro 5

Share

Na' cheyaḻa' gwcua'aṉcho yogo'ḻoḻ da' chi' yic̱hjcho c̱hen ḻo na' Diosen', ḻe ḻen' chgüia chṉe'e chio'.

Perw cate' ba gwde da' chyi chzaca'cho šlož dao' ṉa'a, cuin Diosen' gone' cont gacch yic̱hjlažda'ochon' can' chazlažen', cont šejnilaže'chchone', cont soecho gonchcho can' chnalažen', na' cont soacho len toze xbab. Dios nan' nži'ilaže'de' chio' na' chaclene' chio' bite'teze da' chac c̱hecho, na' ba gwleje' chio' chejnilaže'cho Criston' cont šjayzoacho txen len ḻe' gan' yo'ochgua be'ni'.

Cheyaḻa' goncho byen goncho da' nac da' zaca', na' cheyaḻa' gwsaca'cho cont Satanás dan' chnabia' da' x̱igüe' ca' bi co'on chio' to ḻo nez mal, ḻe chgue'en chio' na' cheyiljwlažen' nac gonen gwžiayin' chio', ca to bež znia chosya'aba' chdaba' chyiljwba' be gagwba'. Cheyaḻa' soac̱hac̱hcho bi gwzenagcho c̱he Satanásen' na' soac̱hac̱hcho šejnilaže'cho Jesucriston', ḻe ṉezecho beṉe' ḻježcho ca' chesejnilaže'ne' gate'tezechle ḻo yežlion' ḻecze chesezaca'zi'e can' chac c̱he chio'.

Cheyaḻa' gwzex̱jw yic̱hjcho gwzenagcho c̱he Dios ben' nape yeḻa' guac xen, cont žin ža gone' ga gacxencho.

Nach ḻecze ca' le'e beṉe' xcuide', cheyaḻa' gwzex̱jw yic̱hjle gwzenagle c̱he beṉe' ca' ba zjanchoj ben' chosogüia chosoṉe'e le'e. Na' yogo'le ḻe gwzex̱jw yic̱hjle cont gwzenag c̱he ḻježle, ḻe: Diosen' chdiḻlene' beṉe' zjanac ya'laže', san chaclene' beṉe' chosozex̱jwlaže' lagüen'.