Popular Bible Verses from 1 Corintios 3

Share

¿Ba beyanḻaže'le chio' chdop chžagcho chonxencho Jesucriston' yogo'cho txen zaca'lebcho ca to yodao' gan' chesonxene' Diosen'? ¿Ba beyanḻaže'le zoa Spiritw c̱he Diosen' len chio'?

Na' nono gac cuec bichle lene yo'o, ḻe ba gwlecan', na' Jesucristo beṉe' chejnilaže'cho, ḻen' ṉacho naque' lene yo'ona'.

Bitec bi zaca' neda' da' be'lena' le'e xtiža' Diosen' da' nechw, na' ṉeca Apolosen' da' bsed blo'echde' le'e, san Diosen' zaca'chgüe' da' bene' cont gwyejḻe'le xtižen'.

Neto' chzejni'ito' le'e xtiža' Diosen', guac ṉacho nacto' beṉe' goz go'oṉ c̱he Diosen' na' le'e nacle yežlio gan' chac žinṉa'. Na' le'e chdop chžagle chonxenḻe Criston' ḻecze zaca'leble ca to yo'o c̱he Diosen'.

Na' cate' žin ža yid Criston', gone' cont gacbia' c̱he da' ben to tocho še naquen da' zaca' o še bitw naquen. Na' yogo' da' bencho da' bi naquen da' zaca', Diosen' yoṉitlagüen' len yi' c̱he'na' can' chac c̱he to yo'o de yag, de yix o de dod cate' cheyen.

Beṉe' chyix̱jue'ede' xtiža' Diosen' da' nechw na' beṉe' chyix̱jue'eden' da' gwchope txen chesone' xšin Diosen'. Na' Diosen' gone' cont to toe' yesenite' mbalaz con can' gosone' xšine'na'.

Bi siye' cuinḻe. Note'tezle še chaquele nacle beṉe' sina' len yeḻa' sina' c̱he yežlio nga, cheyaḻa' gacbe'ele yeḻa' sina' c̱helen' bi gaclenen le'e len Diosen'. Na' cheyaḻa' gacle ca to beṉe' bibi chejni'i cont Diosen' goṉe' le'e yeḻa' sina' c̱hen'.