Popular Bible Verses from 1 Corintios 13

Share

Še chaque ḻježcho, chapcho yeḻa' chxenḻaže' len ḻegaque', na' choncho güen len ḻegaque', bi chgue'echo ḻegaque' še chac güen c̱hegaque', na' bi chonxen cuincho len xtiža'cho, na' bi cha'laže'cho. Na' cate' chaque ḻježcho bi choncho nacteze len ḻegaque', bi choncho xbab c̱he cuinzcho, bi chbixjwcho, na' bi chgo'olaže'cho.

Na' cate' chaque ḻježcho, chapcho yeḻa' chxenḻaže' bite'teze da' chesonde' chio', na' choncho xbab güen c̱he yogo'ḻoḻ beṉe', na' zoacho lez yesone' güen yogo' las, na' chyo chchejlaže'cho bite'teze da' chesone beṉe' chio'.

Na' cate' chaque ḻježcho bi chbecho še chon beṉe' ḻježcho da' mal, san chbecho še chone' da' zej to ḻi.

Nachen' da' quinga šoṉe non Diosen' mandadw goncho toḻi tocaṉe: šejnilaže'chone', soacho lez gone' ga gacch güen c̱hecho, na' gaquecho Diosen' na' ḻjež beṉac̱hcho. Na' da' zejechen goncho lao da' ca' šoṉe, gaquecho Diosen' len ḻjež beṉac̱hcho.

Gwbat te c̱he da' cheyaḻa' gaque ḻjež beṉac̱hcho. Perw gwžin ža cate' noch no c̱hix̱jue'e bi da' ba gož Diosen' ḻe', na' gwžin ža cate' bich yesoe' beṉe' gwde gwdele diža' da' bi zjansede', na' gwžin ža cate' bich yažje bichle da' šejni'icho.

Ḻa'czḻa' še chaccho gwde gwdele diža' da' chesac beṉac̱hen' na' da' chesac angl ca', perw še bi chaque ḻjež beṉac̱hcho, bibi zaca'cho. Zaca'lebcho ca ya da' chonen sšag cate' chososižen' o ca platiy da' chososiž beṉe' güecuež.

Na' ḻa'czḻa' še ba goclen Spiritw c̱he Diosen' chio' cont chac chyix̱jue'echo bi da' ba gwne' chio', bibi zaca'cho še bi chaque ḻjež beṉac̱hcho. Na' ḻa'czḻa' še ṉezecho yogo'ḻoḻ da' nono ṉa' ṉeze, na' ḻa'czḻa' še chejni'icho yogo'ḻoḻ da' naquen da' zaque', bibi zaca'cho še bi chaque ḻjež beṉac̱hcho. Na' ḻa'czḻa' še ḻeca chejnilaže'cho Diosen' cont chone' bite'teze da' zdebe cate' chṉabechone' gonen', bicze bi zaca'cho še bi chaque ḻježcho.

Na' še gwnežjwcho beṉe' yaše' yogo' bi da' de c̱hecho na' gwnežjw cuincho yosozey beṉe' chio', bi gaclenen chio' lao Diosen' še bi chaque ḻježcho.

Cate' goccho bidao' be'cho diža' can' chesoe' note'teze bidao' diža', bencho xbab can' cheson note'teze bidao' xbab, na' gwyejni'icho can' chesejni'i bidao'. Na' ṉa'a ba gwcha'ocho na' ba gwlejyic̱hjcho bich choncho can' cheson bidao'.