Popular Bible Verses from Santiago 2

Share

Ya̱ veé da̱nj vaa a. Sese vaa síí taj se vaa amán rá soꞌ niꞌya̱j soꞌ Yaꞌanj, tza̱j ne̱ ne ꞌyaj soꞌ a̱ doj se lu̱j rihaan tuviꞌ soꞌ, ne̱ caꞌve̱e nani̱i̱ soꞌ rihaan sayuun ne̱ cavi̱i̱ sa̱ꞌ soꞌ, rá soj naꞌ.

Dan me se sese nuviꞌ nimán ꞌo̱ soꞌ, ne̱ né si̱j vaa iꞌna̱ꞌ me soꞌ maꞌ. Ma̱an cúú caviꞌ u̱u̱n me soꞌ, ne̱ ase vaa xnangá nuviꞌ nimán rque roꞌ, da̱nj vaa síí taj se vaa amán rá niꞌya̱j man Yaꞌanj, ne̱ nuviꞌ a̱ doj se lu̱j ꞌyaj soꞌ, ne̱ taj se gúnꞌ man nana̱ tuꞌva u̱u̱n soꞌ a̱ maan ado̱nj.

Cuno̱ soj caꞌmi̱j, tinu̱j, nocoj. Sese taj ꞌo̱ soꞌ se vaa amán rá soꞌ niꞌya̱j soꞌ Yaꞌanj, tza̱j ne̱ ne ꞌyaj soꞌ a̱ doj se lu̱j rihaan tuviꞌ soꞌ, ne̱ caꞌve̱e nani̱i̱ soꞌ rihaan sayuun ne̱ cavi̱i̱ sa̱ꞌ soꞌ, rá soj naꞌ. Taj maꞌ.

Dan me se cuna̱j ꞌyáá so̱ꞌ se vaa amán rá so̱ꞌ se vaa o̱rúnꞌ Yaꞌanj, tza̱j ne̱ da̱nj ꞌyaj gue̱e̱ nij nana̱ chre̱e uún, ne̱ cheꞌé dan chuꞌviꞌ nij soꞌ nda̱a riꞌíj maꞌa̱n man nij soꞌ cheꞌé sayuun quiꞌya̱j Yaꞌanj man nij soꞌ vaa güii a.

Tza̱j ne̱ taꞌa̱j nii cata̱j rihaan tuviꞌ se vaa so̱ꞌ me se síí amán rá niꞌya̱j man Yaꞌanj mé so̱ꞌ, ne̱ ꞌu̱nj nihánj me se síí ꞌyaj se sa̱ꞌ rihaan Yaꞌanj mé ꞌu̱nj, cata̱j nii chugua̱nj. Tza̱j ne̱ xca̱j so̱ꞌ cuentá, ne̱ asa̱ꞌ caꞌve̱e queneꞌe̱n yuvii̱ se vaa síí amán rá niꞌya̱j man Yaꞌanj mé so̱ꞌ, sese nuviꞌ a̱ ꞌó se sa̱ꞌ ꞌyáá so̱ꞌ ga̱. Tza̱j ne̱ ꞌu̱nj nihánj me se cheꞌé se sa̱ꞌ ꞌyáá ꞌu̱nj roꞌ, cheꞌé dan neꞌen yuvii̱ se vaa síí amán rá niꞌya̱j man Yaꞌanj mé ꞌu̱nj chugua̱nj.

ꞌO̱ se asa̱ꞌ caꞌne̱ꞌ Yaꞌanj cacunꞌ cheꞌé yuvii̱, ne̱ se̱ gaa ꞌe̱e̱ rá Yaꞌanj ni̱ꞌyaj Yaꞌanj man síí ne ꞌe̱e̱ rá man tuviꞌ maꞌ. Tza̱j ne̱ se niꞌya̱nj rá me se yoꞌ me quiꞌya̱j canaán rihaan sayuun ado̱nj.

Xca̱j soj cuentá se vaa cheꞌé se lu̱j ꞌyaj níꞌ roꞌ, cheꞌé dan nuu sa̱ꞌ nimán níꞌ rihaan Yaꞌanj, ne̱ né cheꞌe̱ se ina̱nj taj níꞌ se vaa amán rá níꞌ niꞌya̱j níꞌ man Yaꞌanj me nuu sa̱ꞌ nimán níꞌ rihaan Yaꞌanj maꞌ.

Xca̱j so̱ꞌ cuentá se vaa cheꞌé se cuchumán rá Abraham niꞌya̱j soꞌ man Yaꞌanj roꞌ, cheꞌé dan me guun rá soꞌ quiꞌya̱j soꞌ suun caꞌneꞌ Yaꞌanj rihaan soꞌ, ne̱ cheꞌé se quiꞌyaj soꞌ da̱nj roꞌ, cheꞌé dan neꞌen níꞌ se vaa cuchumán ya̱ nu̱ꞌ rá soꞌ niꞌya̱j soꞌ man Yaꞌanj chugua̱nj.