Popular Bible Verses from Efesios 1

Share

Dan me se sa̱ꞌ doj xca̱j soj cuentá, ne̱ queneꞌe̱n soj me cheꞌé nacúún Yaꞌanj man soj, ne̱ queneꞌe̱n soj nu̱ꞌ se vaa quiꞌya̱j Yaꞌanj cheꞌé soj, ne̱ gu̱un ya̱ rá soj se vaa vaa cheꞌé ndoꞌo nocoꞌ soj man Cristó ado̱nj. Queneꞌe̱n soj se vaa niꞌndaj ya̱ sa̱ꞌ vaa se quiꞌya̱j Yaꞌanj cheꞌé ta̱ranꞌ níꞌ si̱j noco̱ꞌ man soꞌ, ne̱ queneꞌe̱n soj se vaa niꞌndaj ya̱ veꞌé gu̱un nucua̱j ya̱ Yaꞌanj ra̱cuíj Yaꞌanj man níꞌ si̱j amán rá niꞌya̱j man soꞌ a. Nucua̱j ndoꞌo Yaꞌanj ado̱nj. Cheꞌé snucua̱j Yaꞌanj roꞌ, cheꞌé dan cunuu iꞌna̱ꞌ ya̱ uún Cristó, quiꞌyaj Yaꞌanj ga̱a caviꞌ Cristó, ne̱ caꞌanj ca̱yáán Cristó rej xta̱ꞌ rej xꞌnu̱j Yaꞌanj rej nuva̱ꞌ Yaꞌanj, quiꞌyaj uún Yaꞌanj ado̱nj. Veé dan, ne̱ rej xta̱ꞌ yoꞌ me se uun chij soꞌ doj rihaan da̱j a̱ nij síí nucua̱j do̱ꞌ, da̱j a̱ nij síí rii taꞌngaꞌ do̱ꞌ, da̱j a̱ nij síí uun chij do̱ꞌ, da̱j a̱ nij síí nica̱j suun do̱ꞌ a. Ne̱ se‑chuvi̱i soꞌ me se sa̱ꞌ doj vaa yoꞌ rihaan se‑chuvi̱i ta̱ranꞌ nij síí uun chij rihaan chumii̱ nihánj do̱ꞌ, rihaan rej xta̱ꞌ do̱ꞌ ado̱nj. Tza̱j ne̱ ne do̱j cuano̱ me uun chij soꞌ maꞌ. ꞌO̱ se gu̱un chij soꞌ nu̱ꞌ cavii nu̱ꞌ caꞌanj na̱nj ado̱nj.

Asi̱j ataa quiꞌya̱j Yaꞌanj chumii̱ nihánj me narii soꞌ man níꞌ cunu̱u sa̱ꞌ nimán níꞌ rihaan maꞌa̱n soꞌ, ne̱ se̱ tumé níꞌ cacunꞌ, rá soꞌ a̱ maꞌ. Ne̱ dan me se cunuu ꞌe̱e̱ rá soꞌ man níꞌ, ne̱ cuneꞌ soꞌ man níꞌ canoco̱ꞌ níꞌ man Jesucristó ne̱ gu̱un taꞌni̱j maꞌa̱n soꞌ man níꞌ, nda̱a vaa quirii nimán maꞌa̱n soꞌ quiꞌya̱j soꞌ cheꞌé níꞌ ado̱nj.

Ne̱ cheꞌé ton cayanj man Cristó ga̱a caviꞌ soꞌ cheꞌé níꞌ roꞌ, cheꞌé dan navij cacunꞌ xráá níꞌ, cheꞌé se sa̱ꞌ uxrá vaa rá Yaꞌanj niꞌya̱j Yaꞌanj man níꞌ a.

Cata̱j níꞌ se vaa ina̱nj sa̱ꞌ uxrá vaa Yaꞌanj Rej Jesucristó Si̱j ꞌNi̱j Raꞌa man níꞌ, ne̱ veꞌé ndoꞌo quiꞌyaj soꞌ cheꞌé níꞌ a. Ne̱ rqué soꞌ da̱j a̱ se sa̱ꞌ man níꞌ, ne̱ se sa̱ꞌ cavii rej xta̱ꞌ cavii maꞌa̱n ya̱ Nimán Yaꞌanj me rqué Yaꞌanj man níꞌ, cheꞌé se síí noco̱ꞌ man Cristó me níꞌ a.