Popular Bible Verses from Colosenses 1

Share

Asino ya̱a̱n me se guun chij Síí Chre̱e rihaan níꞌ, ne̱ ase vaa síí chéé rej rmi̱ꞌ roꞌ, da̱nj vaa níꞌ ga̱a rque̱ a. Tza̱j ne̱ ya̱j me se tinanii Yaꞌanj man níꞌ rihaan Síí Chre̱e, ne̱ ya̱j uun chij Taꞌníí Yaꞌanj rihaan níꞌ quiꞌyaj Yaꞌanj ado̱nj. Dan me se ꞌe̱e̱ ndoꞌo rá Yaꞌanj man Taꞌníí soꞌ

Dan me se nicu̱nꞌ Cristó ga̱ Yaꞌanj ga̱a quiꞌyaj Yaꞌanj se ma̱n xta̱ꞌ do̱ꞌ, se ma̱n rihaan chumii̱ do̱ꞌ, rasu̱u̱n ruviꞌ niꞌya̱j yuvii̱ do̱ꞌ, rasu̱u̱n ne ruviꞌ niꞌya̱j yuvii̱ do̱ꞌ, da̱j a̱ nij se‑mo̱zó Yaꞌanj uun chij rihaan chumii̱ nihánj do̱ꞌ, cunuda̱nj rasu̱u̱n yoꞌ me se quiꞌyaj Yaꞌanj á. Dan me se caꞌneꞌ Yaꞌanj suun rihaan Cristó quiꞌya̱j Cristó cunuda̱nj rasu̱u̱n, ne̱ ina̱nj cheꞌé Cristó vaa cunuda̱nj rasu̱u̱n yoꞌ, ne̱ dan me se me rá Yaꞌanj ni̱caj yuꞌunj Cristó man cunuda̱nj rasu̱u̱n yoꞌ na̱nj ado̱nj.

Asi̱j ataa curuvi̱ꞌ cunuda̱nj nij rasu̱u̱n, ne̱ a̱j nicu̱nꞌ Cristó, ne̱ cheꞌé o̱rúnꞌ Cristó vaa cunuda̱nj rasu̱u̱n yoꞌ cuano̱ ado̱nj.

Ne ruviꞌ Yaꞌanj niꞌya̱j yuvii̱ maꞌ. Ma̱an se queneꞌen níꞌ man Cristó, ne̱ xcaj níꞌ cuentá da̱j vaa maꞌa̱n Yaꞌanj ado̱nj. Asi̱j ataa quiꞌya̱j Yaꞌanj chumii̱, ne̱ a̱j nicu̱nꞌ Cristó ga̱ soꞌ ado̱nj.

Cheꞌé dan asi̱j cuno núj nana̱ cataj soꞌ rihaan núj, ne̱ niga̱nj achíín niꞌya̱j núj rihaan Yaꞌanj cheꞌé soj se vaa rque̱ Nimán Yaꞌanj nana̱ sa̱ꞌ cu̱u nimán soj, ne̱ xca̱j soj cuentá da̱j me rá Yaꞌanj quiꞌya̱j soj, cheꞌé rej quiꞌya̱j soj nu̱ꞌ se vaa no̱ xcúún níꞌ si̱j noco̱ꞌ man Síí ꞌNi̱j Raꞌa man níꞌ quiꞌya̱j níꞌ, ne̱ gu̱un niha̱ꞌ rá Yaꞌanj ni̱ꞌyaj Yaꞌanj man soj á. Ne̱ cunuda̱nj suun sa̱ꞌ quiꞌya̱j ndoꞌo soj, ga̱a ne̱ doj a̱ sa̱ꞌ xca̱j soj cuentá da̱j vaa maꞌa̱n Yaꞌanj a.