Popular Bible Verses from 2 Juan 1

Share

Sese ꞌo̱ ꞌe̱e̱ rá níꞌ man tuviꞌ níꞌ, ne̱ síí ꞌyaj nda̱a vaa taj suun caꞌneꞌ Yaꞌanj rihaan me níꞌ ado̱nj. Ne̱ yoꞌ me suun caꞌneꞌ soꞌ rihaan níꞌ asi̱j guun cheꞌe̱ níꞌ canocoꞌ níꞌ man soꞌ, ne̱ me rá soꞌ ꞌo̱ quiꞌya̱j níꞌ suun yoꞌ ado̱nj.

Ne̱ me maꞌa̱n síí tanáj stucua̱nj Cristó roꞌ, nuviꞌ Yaꞌanj yáán ga̱ soꞌ maꞌ. Tza̱j ne̱ síí noco̱ꞌ xraan stucua̱nj Cristó me se soꞌ me síí ꞌo̱ yáán ro̱j Taꞌni̱j Yaꞌanj ga̱ soꞌ ado̱nj.

Tu̱mé ndoꞌo soj man soj se̱ gaa na̱nj caꞌanj niꞌya̱ nu̱ꞌ nij suun sa̱ꞌ quiꞌyaj canaán soj á. Tana̱nj veꞌé na̱ruꞌvee Yaꞌanj rihaan soj ado̱nj.

ꞌO̱ se ya̱j me se curiha̱nj ndoꞌo nij síí tihaꞌ yuꞌunj rihaan chumii̱ nihánj, ne̱ cataj nij soꞌ se vaa né si̱j guun yuvii̱ me Jesucristó a. Síí aꞌmii da̱nj me se síí tihaꞌ yuꞌunj aꞌmii nana̱ ne̱ do̱ꞌ, síí ta̱j riꞌyunj man Cristó do̱ꞌ, me soꞌ a.