Popular Bible Verses from 2 Corintios 9

Share

Ne̱ gu̱un nucua̱j Yaꞌanj quiꞌya̱j ndoꞌo Yaꞌanj nu̱ꞌ se lu̱j ga̱ soj, ne̱ niga̱nj ga̱a̱ nu̱ꞌ se cachi̱in man soj, cheꞌé yan gu̱un nucua̱j soj quiꞌya̱j soj nu̱ꞌ suun sa̱ꞌ caꞌne̱ꞌ Yaꞌanj rihaan soj chugua̱nj.

Nuchru̱j ra̱a̱ ꞌo̱ ꞌo̱ soj me daj saꞌanj rque̱ ꞌo̱ soj, ne̱ se̱ quinanó rá soj cheꞌé saꞌanj rque̱ soj maꞌ. Se̱ cataj soj se vaa ma̱an cheꞌé se no̱ xcúún soj rque̱ soj saꞌanj, cheꞌé dan rque̱ soj maꞌ. Cheꞌé dan ina̱nj saꞌanj rii nimán soj roꞌ, rque̱ soj á. ꞌO̱ se síí niha̱ꞌ rá rque̱ saꞌanj rihaan tinúú roꞌ, ꞌe̱e̱ rá Yaꞌanj man soꞌ ado̱nj.

Dan me se neꞌen soj se vaa síí unô do̱j tzínꞌ ꞌnúú roꞌ, do̱j ꞌnúú quiri̱i̱ soꞌ, ne̱ síí unô noco̱o uxrá ꞌnúú roꞌ, noco̱o uxrá ꞌnúú quiri̱i̱ soꞌ, ne̱ ase vaa ranꞌ síí unô ꞌnúú roꞌ, da̱nj quira̱nꞌ soj cheꞌé saꞌanj rque̱ soj vaa ado̱nj.

Dan me se Yaꞌanj me síí rqué ꞌnúú rihaan síí unô naa̱, ne̱ Yaꞌanj me síí rqué se chá rihaan síí naꞌaan rque a. Ne̱ cavi̱i̱ sa̱ꞌ uxrá nij tinúú níꞌ cheꞌé se sa̱ꞌ quiꞌya̱j soj, quiꞌya̱j uún Yaꞌanj ado̱nj. Ne̱ da̱j a̱ se sa̱ꞌ quiꞌya̱j Yaꞌanj ga̱ soj, ga̱a ne̱ gu̱un niha̱ꞌ doj rá soj ra̱cuíj soj man tinúú níꞌ, ne̱ cata̱j tinúú níꞌ guun niꞌya̱j níꞌ rihaan Yaꞌanj cheꞌé se vaa rqué soj saꞌanj man núj ta̱cuachén núj rihaan nij soꞌ a.

Cata̱j uxrá níꞌ guun niꞌya̱j níꞌ rihaan Yaꞌanj cheꞌé se veꞌé uxrá quiꞌyaj Yaꞌanj cheꞌé níꞌ, ne̱ daj chiha̱a̱ míj se̱ guun nucua̱j níꞌ cata̱j níꞌ nu̱ꞌ se vaa quiꞌyaj Yaꞌanj cheꞌé níꞌ a̱ maꞌ.