Popular Bible Verses from 2 Corintios 5

Share

Me maꞌa̱n yuvii̱ amán rá niꞌya̱j man Cristó roꞌ, nuu sa̱ꞌ nimán soꞌ ꞌyaj Yaꞌanj a. Ne̱ síí amán rá roꞌ, se̱ guun rá uún soꞌ quiꞌya̱j soꞌ nda̱a vaa quiꞌyaj soꞌ ga̱a rque̱ maꞌ. ꞌO̱ se síí acaj naca̱ cuentá me soꞌ ado̱nj.

A̱ ꞌó cacunꞌ ne tumé Cristó maꞌ. Tza̱j ne̱ naraa Yaꞌanj nu̱ꞌ cacunꞌ tumé níꞌ xráá maꞌa̱n Cristó, ne̱ quiranꞌ Cristó sayuun cheꞌé cacunꞌ yoꞌ, ne̱ cheꞌé dan caꞌve̱e cunu̱u sa̱ꞌ ya̱ níꞌ rihaan Yaꞌanj cheꞌé se si̱j noco̱ꞌ man Cristó me níꞌ ado̱nj.

ꞌO̱ se ataa queneꞌe̱n núj se vaa rque̱ Yaꞌanj man núj, tza̱j ne̱ amán rá núj niꞌya̱j núj man Yaꞌanj se vaa ya̱ vaa nana̱ cataꞌ tuꞌva soꞌ rihaan núj, ne̱ cheꞌé dan uno núj rihaan soꞌ na̱nj ado̱nj.

Ne̱ Yaꞌanj me síí ꞌyaj nu̱ꞌ nihánj cheꞌé yuvii̱, ne̱ soꞌ me síí quiꞌyaj naꞌmii sa̱ꞌ níꞌ ga̱ maꞌa̱n soꞌ cheꞌé se vaa quiꞌyaj Cristó, ne̱ caꞌneꞌ maꞌa̱n Yaꞌanj suun rihaan núj cata̱j xnaꞌanj núj rihaan yuvii̱ se vaa caꞌve̱e naꞌmi̱i̱ sa̱ꞌ nij yuvii̱ ga̱ Yaꞌanj ado̱nj. Dan me se maꞌa̱n Yaꞌanj caꞌnéé man Cristó rihaan chumii̱ nihánj, ne̱ cheꞌé se vaa quiꞌyaj Cristó roꞌ, cheꞌé dan caꞌve̱e naꞌmi̱i̱ sa̱ꞌ yuvii̱ ga̱ Yaꞌanj, quiꞌya̱j Yaꞌanj, ne̱ tiri̱ꞌ Yaꞌanj cuentá cheꞌé cacunꞌ tumé nij yuvii̱ a. Ne̱ Cristó me síí rqué nana̱ nihánj man núj cata̱j xnaꞌanj núj nana̱ nihánj rihaan yuvii̱, quiꞌyaj uún Yaꞌanj na̱nj á.

Dan me se aꞌmii núj snana̱ Cristó rihaan yuvii̱, ne̱ maꞌa̱n Yaꞌanj rqué snana̱ Yaꞌanj rihaan núj caꞌmi̱i̱ núj cheꞌé maꞌa̱n Yaꞌanj, ne̱ cheꞌé dan rquee̱ ndoꞌo núj rihaan nij yuvii̱, ne̱ taj núj a: “Naꞌmi̱i̱ sa̱ꞌ nij soj ga̱ Yaꞌanj á.”

Ne̱ cheꞌé se cunuu sa̱ꞌ nimán nij yuvii̱ roꞌ, cheꞌé dan se̱ guun rá nij yuvii̱ ca̱yáán nij yuvii̱ cheꞌé maꞌa̱n nij yuvii̱ maꞌ. ꞌO̱ se ga̱a̱ iꞌna̱ꞌ nij soꞌ cheꞌé yan canoco̱ꞌ nij soꞌ man Cristó síí caviꞌ cheꞌé nij soꞌ, ne̱ cunuu iꞌna̱ꞌ uún soꞌ cheꞌé yan cavi̱i̱ sa̱ꞌ nij yuvii̱ doj na̱nj ado̱nj. Cheꞌé dan me caꞌneꞌ rá núj ga̱ suun acaj cuentá nda̱a vaa ruviꞌ yuvii̱ niꞌya̱j tuviꞌ yuvii̱ a. Asi̱j rque̱ me se na̱nj yuvii̱ me Cristó rá núj, ne̱ ina̱nj xcaj núj cuentá nda̱a vaa ruviꞌ soꞌ, tza̱j ne̱ ya̱j me se ne ꞌyaj núj da̱nj a̱ maꞌ.

ꞌO̱ se neꞌen núj se vaa ꞌe̱e̱ rá Cristó man cunuda̱nj yuvii̱, ne̱ cheꞌé dan ꞌo̱ me rá núj cata̱j xnaꞌanj núj rihaan yuvii̱ cheꞌé soꞌ a. ꞌO̱ se guun ya̱ rá núj se vaa o̱rúnꞌ Cristó me síí caviꞌ cheꞌé cunuda̱nj yuvii̱, ne̱ cheꞌé dan ase vaa síí caviꞌ roꞌ, da̱nj ꞌyaj cunuda̱nj nij yuvii̱ noco̱ꞌ man soꞌ niꞌya̱j nij soꞌ chrej chiꞌi̱i̱ a.