Popular Bible Verses from 2 Timoteo 1

Share

pwihsi Dxiohs ayi baniꞌhi Ñiꞌh tuhbi Spíritu nin nadxyiꞌbi laꞌh nuꞌh, sino que tuhbi Spíritu nin nahpa guelrnabwaꞌ, nin rudiꞌhi guelnadziiꞌhi lasaaꞌ, cun nin rudiꞌhi ziga xa riahcazaꞌca loh xquelrihn bwiinn

laasii Dxiohs nin bataꞌh laꞌh nuꞌh loh duhlda, gudihdxyi Ñiꞌh laꞌh nuꞌh tin guibahan nayaa nuꞌh loh si Ñiꞌh. Gudihdxyi Ñiꞌh laꞌh nuꞌh ayi pur nin bidiꞌhnn dxiꞌh nuꞌh dziꞌn zaꞌca, sino que laasii ziꞌchi bwiꞌhnn Ñiꞌh lligaaba gaca nee neezaa pur nin balahsastoꞌ Ñiꞌh laꞌh nuꞌh pur Jesucristu galohyi chin nagahdxi guunn chaꞌyi Ñiꞌh guidxyiyuh.

Pwihsi niꞌchin nin rñiꞌn loh luꞌh nnah, gaca nasiin luꞌh loh guelrahcabwaꞌ nin baniꞌhi Dxiohs yiꞌh chin badziiꞌbanaaꞌhahn yihca luꞌh

pwihsi ayi gatuhyi loh luꞌh guiñiꞌ luꞌh xchiꞌdxyi Daada Jesucristu, nee nin ayi za gatuhyi loh luꞌh pur naꞌh, pur nin nuu ñieꞌwꞌhn xcweenta Jesucristu; mas chaꞌyi guyuuꞌnee laꞌh nu loh guelrzaꞌcazii nin rahca para laꞌh raꞌ nin ruuꞌyidxyiꞌdxyi xchiꞌdxyi Dxiohs tin ziꞌchi gacanee Dxiohs yiꞌh

Niꞌchin nin cagatiꞌdxiloon guelrzaꞌcazii pur garaa raꞌ dxyiꞌdxyi raꞌ riiꞌ, per ayi ratuhyi loon laasii laꞌn naann chyu xchiꞌdxyi gwachiistoꞌn, nee naannzahn laꞌh Ñiꞌh zahca gapadziꞌtsi Ñiꞌh dziꞌn nin baniꞌhi Ñiꞌh guꞌnnahn cun para hasta laꞌn dxyihyi nin dxiꞌ Ñiꞌh stuhbi.