Popular Bible Verses from 1 Juan 2

Share

Ayi saꞌbi stoꞌ tu guunn tu nin ruhnn raꞌ bwiinn raꞌ nin ayi riachii stoꞌ raꞌ ñiꞌh xchiꞌdxyi Jesucristu, nee ayi za chuu tu ziahan lligaaba pur nin nahpa tu loh guidxyiyuh. Sidela chyulla tuhbi nin gucaꞌha stoꞌ ñiꞌh xcweenta cohsa guidxyiyuh, bwiinn chi ayi rucaꞌh stoꞌ ba laꞌh Dxiohs, laasii bwiinn raꞌ nin ayi riachii stoꞌ ñiꞌh xchiꞌdxyi Dxiohs rzaꞌbi stoꞌ raꞌ ba ruhnn raꞌ ba xica cohsa dxaaba, cohsa duhlda raꞌ; ruhnn raꞌ ba cohsa nin rnaaba tihxi raꞌ ba, cohsa nin rwaꞌha bizloh raꞌ ba ya rzaꞌbi stoꞌ ba ba rbahan raꞌ ba loh guelnayachi xteenn raꞌ cohsa raꞌ nin rbahannee raꞌ ba; garaa raꞌ dee naa cohsa xteenn guidxyiyuh raꞌ, ayi naa raꞌn cohsa nin xclaaꞌdzi Dxiohs gaca.

Ya guidxyiyuh zeezah cagaduhbin, cun garaaloh raꞌ cohsa dxaaba raꞌ nin xclaaꞌdzi bwiinn nin ayi riachii stoꞌ ñiꞌh xchiꞌdxyi Dxiohs; per laꞌh raꞌ bwiinn raꞌ nin ruzoꞌbadxiahga xchiꞌdxyi Xtaada Dxiohs nuꞌh zibahan ba loh guelnabahan nin ayi ñichilohtiiꞌ.

Nin rñiꞌ: “Nabahanee nu Jesucristu”, nahpa guibahan zaꞌca raꞌ ba ziga gubahan Ñiꞌh loh guidxyiyuh.

Yuꞌbitu lasaaꞌ raꞌn nin gwachii stoꞌ raꞌ ñiꞌh xchiꞌdxyi Dxiohs; cagacaꞌhn dxyiꞌdxyi raꞌ riiꞌ loh tu tin ayi xi duhlda chiꞌhyi tu para laꞌhtu, per sidela chyulla chiꞌhyi duhlda, nahpa nuꞌh tuhbi bwiinn nin suhchihpanee laꞌhnuꞌh nez loh Daada Dxiohs, ya bwiinn chi naa Jesucristu laꞌh Ñiꞌh ayi xi xtuhlda Ñiꞌh guyuuꞌ.

Ya chin rñiꞌ tuhbi bwiinn: “Naꞌh nuꞌnbwaꞌhn laꞌh Ñiꞌh”, nee ayi rguꞌchaꞌyi ba xchiꞌdxyi Ñiꞌh stoꞌ ba, bwiinn chi naa nin rñiꞌ dxyiꞌdxyi raꞌ nin ayi naa guchii, ya ayi dxyiꞌdxyi nin naa guchii laꞌn lastoꞌ ba.

Ya pur cweenta riiꞌ rahcabwaꞌ nuꞌh laꞌhnuꞌh nuꞌnbwaꞌ nuꞌh laꞌh Ñiꞌh; sidela gachiguꞌchaꞌyi nuꞌh xchiꞌdxyi Ñiꞌh stoꞌ nuꞌh.

Per chyu chiꞌh zi tuhbi nuꞌh nin rñiꞌ: “Nabahanahn loh xquelñaꞌñih Dxiohs”, nee rdxyiꞌchinee ba lasaaꞌ ba, pwihsi bwiinn chi nuu gahca ba loh nacahyi.

¿Chyu niꞌca naa nin rñiꞌ dxyiꞌdxyi nin ayi naa guchii? Pwihsi laꞌh nin rñiꞌ ayi naa Jesuhs Crixtu; niꞌchi naa nin rdxyiꞌchinee laꞌh Jesucristu, pwihsi rbweꞌhe stoꞌ bwiinn chi laꞌh Daada Dxiohs cun neezaa laꞌh Lliiꞌn Ñiꞌh.

Garaa raꞌ nin rbweꞌhe stoꞌ laꞌh Lliiꞌn Dxiohs, neezaa laꞌh Daada Dxiohs rbweꞌhe stoꞌ ba; per laꞌh bwiinn nin rñiꞌ Jesuhs naa Lliiꞌn Dxiohs, neezaa Daada Dxiohs nuꞌnbwaꞌ ba.