Popular Bible Verses from 1 Corintios 5

Share

Nin bacaꞌhn loh dxihtsi chi naa squiiꞌ: “Ayi guchaꞌga tu laꞌh raꞌ bwiinn raꞌ nin rñiꞌ naa raꞌ lasaaꞌ raꞌ nuꞌh loh Jesucristu, nee naa raꞌ ba tuhbi bwiinn nin nabahan gubwihlli o rzaꞌbi stoꞌ ba mweeyi, o raann ba dxaan, o naa ba tuhbi bwiinn nin ruuꞌyi dxixiꞌhw, o naa ba tuhbi bwiinn gwaaꞌ, o naa za ba tuhbi bwiinn gubaꞌn.” Niꞌchin nin ayi gahwnee tu bwiinn raꞌ nin naa raꞌ squiiꞌ

Pwihsi gulcweꞌhe cohba yuꞌxa ca, tin guibahan tu loh tuhbi guelnabahan nayaa nacuubi ziga tuhbi cohba nayaa lasaaꞌ nin rahca chaꞌyi pahn nin ayi xi levaduhra riah loh ñiꞌh par lañih xteenn paascu. Laꞌhtu nabahan loh tuhbi guelnabahan nayaa laasii guhchi Jesucristu xcweenta nuꞌh ziga tuhbi lliꞌhyi loh lañih paascu raꞌ bwiinn Israel tin gudxihlli Ñiꞌh xcweenta xtuhlda raꞌ nuꞌh.

laasii naꞌh ayi nuu guꞌnnahn guelguxchisi xcweenta bwiinn raꞌ nin ayi naa raꞌ xpwiinn Dxiohs; Dxiohs naa nin guunn guelguxchisi xcweenta raꞌ ba, per ya ziga laꞌhtu, laꞌhtu naa tu nin guunn guelguxchisi xcweenta bwiinn raꞌ nin gwachii stoꞌ raꞌ ñiꞌh xchiꞌdxyi Dxiohs. Pwihsi niꞌchin gulcweꞌhecaa bwiinn duhlda nin naa ziꞌchi nez loh tu.