Popular Bible Verses from San Marcos 14

Share

Hane cuitjin cafehya rë me Nina: ―‍Papá. Xi cumá nuju ngayun ne, yëjë ni xcusun ne, hacuiin chja cuma. Vëhë xi tiféhya nuju xi naxuntjun ná tsëhë cjuacjintacun xi cuátju cumá. Cuatjin meje ná, peru cjua xi cuinújun ne, cuatjin catama. ―‍Cuatjin cafehya rë me Nina.

Nechun quicun, hacuaha chjahyun rë Nina cjuandaja rë me, cojo sa xi hacuiin chjaha chuva nuju cojo cjuatacun nuju. Xahasen nuju ne, ndaja meje rë xi nihñu, peru yojo nuju ne, chuva caa rë. ―‍Cuatjin cachja me cojo cha.

Cuichjá quixë cojo nuju ta tuyani tsëhë jingujyë ngasunhndë xi cuichja xuta cjua tsëhë Nina ne, hacuaha cueyanangui me na vihi cojo sa xi xuta xi yahnga ne, cumachaya rë me xcusun xi casahmi na cojo ná. ―‍Cuatjin cachja Jesús.

Ngajan xi cachja me cojo cha cuitjin: ―‍Jercu choho má camahani rë xahasen naha. Xi má ná ne, cueya tsëhë. Nechun ni nguehe cuacun ngayun cojo ná. ―‍Cuatjin cachja me.

Hora xi ha camatiña xi cuijnetaha sinë me niñu ne, cafaha Jesús ngu niñutsju, hane casua me nacuechji rë Nina, sehe cavotohocja me niñutsju jan. Hane sehe casua me ngu rquí ngu rquí niñu jan cha ladu rë me, hane cuitjin cachja me cojo cha: ―‍Juhun vihi ta, vihi ne, yojo naha. ―‍Cuatjin cachja me.

Hacuaha cafaha nga me ngu vasu xi hincha xan rë uva, hane casua nga me nacuechji rë Nina. Hane sehe casua me tsë tsë cahvi cha jima ngu cha ladu rë me. Hacuaha cachja me cojo cha cjua vihi: ―‍Vihi jni naha xi cuetju ná ngatsë rë xuta. Xcusun vihi ne, ngu compromisu xatsë xi sehe tivëhëchihin Nina cojo xuta cojo sa xi jni naha ne, vëhë cuaxëtje rë xuta.

Hane sehe ngajan xi chja me cojo cha ladu rë me cuitjin: ―‍Ngayujun ni ngayun cumanguaintacuun cojo ná ta cuma sacuaha camahindu xcun xujun rë Nina xi chja cuitjin: “Nina ne, tsiquehen me cha xi sahmi cuidadu rë chu tsánga. Hane chu tsánga ne, cuitsojo chu.”

Tisatjunhngun, cuanguen chutsejen ta, ha nduva cha xi sahmi ná entregadu. ―‍Cuatjin cachja me.

Ngajan xi cachja Jesús cojo cha cuitjin: ―‍Cuichjá quixë cojo ri ta tajñu ni xi chaja sa squindaya xahnda ne, ha jyan ndiya cuinoje xi hyiin yo ngahan. ―‍Cuatjin cachja me.