Popular Bible Verses from Romanos 5

Share

Tsënö kaptinpis Jesucristuqa jutsayuq këkashqapis noqantsik rëkurmi wanurqan. Tsënöpam Teyta Dios kuyamashqantsikta musyatsimantsik.

Ëllumänantsikpaq kaqtaqa manam manakaqllapaqtsu shuyäkïkantsik. Teyta Diosmi tsëta musyatsimantsik qomashqantsik Espíritu Santuwan. Espíritu Santum shonquntsikchö musyatsimantsik Teyta Dios rasunpa kuyamashqantsikta.

Tsënöllam kushikuntsik imanö jiparpis pëman markäkunantsikpaq Teyta Dios käyitsimashqantsikta musyar. Markäkunantsikpaq käyitsimashqam Teyta Dios munashqannö kawëta yachakuntsik. Pë munashqannö kawarmi musyantsik gloriaman ëllumänantsikpaq kashqanta.

Señornintsik Jesucristuman markäkur perdonashqa karmi Teyta Dioswan allina kawëkantsik. Jesucristuman markäkushqam Teyta Dios ankupämarnintsik perdonamantsik. Tsëmi gloriaman pushamänantsikpaq kashqanta musyar kushikuntsik.

Salvakïta mana puëdishqam Teyta Dios destinashqan junaq noqantsik rëkur Jesucristo wanurqan.

Jesucristo yawarninta jichashqanpita Teyta Dios perdonëkämarnintsikqa ¿manatsuraq castïgunpitapis salvëkamashwan?

Tsëmi juk nuna Teyta Diosta mana cäsukushqanpita llapan nunakuna jutsata rurayan. Tsënöllam juk nunalla Teyta Diosta cäsukushqanpitana atskaq nunakunata jutsannaqtana Teyta Dios chaskinqa.

Tsëpis manam tsëllatsu, sinöqa Señornintsik Jesucristo wanushqanpita perdonashqana karmi Teyta Diosta kushishqa alabantsik.